امریکی دھمکیاں بے اثر، شمالی کوریا کا میزائل تجربہ

شمالی کوریا نے اپنے مغربی کنارے کے قریب واقع علاقے سے آج ایک بیلسٹک میزائل کا تجربہ کیا ہے۔

شمالی کوریا نے امریکی دھمکیوں کو خاطر میں نہ لاتے ہوئے آج ایک اور میزائل کا تجربہ کیا ہے۔ جنوبی کوریا کی فوج کا کہنا ہے کہ شمالی کوریا نے آج صبح دارالحکومت پیانگ یانگ سے شمال مغرب میں واقع كوسونگ علاقے سے ایک بیلسٹک میزائل کا تجربہ کیا ۔

جاپان نے شمالی کوریا کی جانب سے کئے گئے بیلسٹک میزائل کے تجربے پر سخت ردعمل ظاہرکیا ہے۔ جاپان کے چیف کابینہ سکریٹری يوشي هيدے سوگا نے کہا کہ شمالی کوریا کا یہ میزائل ٹیسٹ اقوام متحدہ کی قراردادوں کی خلاف ورزی ہے لہذا، جاپان اس کی سخت مخالفت کرتا ہے۔ جاپان کےوزیراعظم شنزو آبے نے بھی صحافیوں سے بات چیت میں شمالی کوریا کے اس میزائل ٹیسٹ کی مخالفت کی ہے۔