د پرونۍ ترهګرې حملې د شهیدانو له جنازو سره د پاړه چنار د خلکو مظاهرې وکړې

 ترهګرې حملې
سرلیک: د پاړه چنار شیعه مسلمانانو د شهیدانو د جنازو په نه ښخولو سره اعتراضی د پرونۍ ترهګرې چاودنې خلاف مظاهرې وکړې او د ترهګرو خلاف د حکومت نه یی د عملیاتو غوښتنه یې وکړه.

ټی وی شیعه(پښتو برخې) راپور له مخې، د پارس ټو ډی نه په نقل، د پاکستان د کرمې ایجنسۍ په مرکز پاړه چنار کښې پرون د مرکزی ماتم خانې مخې ته د شوې ترهګرې چاودنې په غبرګون کښې ځایی خلکو د پیښې د شهیدانو جنازې په شهید نومی پاک کښې ایښی او په دغو ترهګرو عملیاتو کښې د لاس لرونکو کسانو خلاف د سمدستی عملیاتو غوښتنه یې وکړه.
له بلې خوا د پنجاب صوبې په ملتان او ټنډو محمد خان سیمو کښې هم د مجلس وحدت مسلمین ګوند لخوا مظاهرې وشوې او همداشان شیعه علماء کونسل هم د دغې پیښې غندنه وکړه.
د پاکستان وزیراعظم نواز شریف او ولسمشر ممنون حسین هم په جلاجلا پیغامونو کښې د پاړه چنار پرونۍ چاودنه غندلې ده.
له بلې خوا پخوانی سینیټر او د پاړه چنار مشهور شیعه عالم عابد الحسینی ویلی چې په پاړه چنار کښې پرون له چاودنې سمدستی وروسته په سوله ایز لاریون کونکو باندې د ملیشه ځواک په ډزو کښې درې تنه وژل شوی او نهه زخمی شوی دی خو د کرمې د ملیشه ځواک قومندان کرنل عمر ملک وایی چې ملیشه ځواکونو یوازې هوایی ډزې کړې دی چې هیچا ته پکښې زیان نه دی رسیدلی.
یاده دې وی چې پرون د جمعې له لمانځه مخکښې د پاړه چنار ښار په مینځ کښې د مرکزی امامباړې دروازې ته څیرمه د باردو یو ډک موټر وچاودید چې له امله یې تر وروستیو معلوماتو ۲۴ تنه شهیدان او کابو ۹۰ نور زخمی شوی دی.

 ترهګرې حملې
 کمسن شہید
 کمسن شہید
اشتراک گذاری: 

Add new comment

Fill in the blank.